Xabaringiz bor, joriy yilning 25-29-oktyabr kunlari Qoraqalpoq davlat universitetida oliy taʼlim muassasalari talabalari orasida matematika fani boʻyicha Muhammad al-Xorazmiy nomidagi II xalqaro olimpiada oʻtkazilishi belgilangan. 25-oktyabr kuni olimpiada qatnashchilari Beruniy tumanida tantanali ravishda kutib olindi. (https://t.me/www_karsu_uz/28118)
Kunning ikkinchi yarmida Berdaq nomidagi Qoraqalpoq davlat akademik musiqali teatrida olimpiadaning tantanali ochilish marosimi boʻlib, unda Qoraqalpogʻiston Respublikasi Vazirlar Kengashi Raisi oʻrinbosari B.Otemuratov, Oliy taʼlim, fan va innovatsiyalar Qoraqalpogʻiston Respublikasi hududiy boshqarmasi boshligʻi N.Kayupov, oliy taʼlim muassasalari rektorlari hamda filiallar direktorlari qatnashdi.
Maʼlumot uchun: olimpiadaning 1-turi 26-oktyabr, ikkinchi turi 27-oktyabr kunlari Qoraqalpoq davlat universiteti sport saroyida boʻlib oʻtadi.
